Ligwalagwala FM Current Affairs

Masipala weNkomazi kulesifundza seMpumalanga utsi usabuka lomonakalo lowentiwe ngulemvula etabelweni letitsite kulomasipala. Palesa Sotomela uyasibikela

Duration:00:03:19

#Imphunga - SASSA MPU pkg

Labahola imali yesibonelelo sahulumende bavakalise kukhatsateka ngekungatfoli lusito ngalokufanele emahhovisi esikhungo lesiniketwe umsebenti wekuholela tibonelelo tahulumende iSASSA eMalahleni kulesifundza seMpumalanga. Michael Mdluli uyasibikela.

Duration:00:03:33

#Imphunga - iCOSATU iyakhala ngekubita kwema-medical aid ikakhulukati iGEMS.

Indvuna yelitiko letemphilo kulelive Dr Aaron Motsoaledi uvumile kutsi kutfola lusito letekwelashwa kubita kakhulu kulelive ngalesikhatsi kuhlangenwe kuNEDLAC. Loku kuta ngemuva kwekutsi tinyonyana letingephasi kwe-COSATU tingenele imibhikisho yekukhonondza ngekukhushulwa kakhulu kwemali yemedical Aid yetisebenti tahulumende, iGEMS. Kukhuluma kabanti ngalokuphunywe nako kulomhlangano sichumana nalokhulumela iCOSATU Zanele Sabela

Duration:00:05:04

#Imphunga - Mpumlanga Green Cluster Agency

Kungcola kwemoya yinkinga lebukene nemhlaba wonkhe kantsi nalesifundza seMpumalanga ngulenye yetindzawo letigcwele timayini netimboni letisolwa ngekungcolisa umoya. Njengaleminye yemitamo yekulwa nalenkinga kulesifundza, sikhungo lesikhutsata kutfutfukiswa kwemnotfo loluhlata, i-Mpumalanga Green Cluster Agency, simema bantfu kutsi bangenele umncintiswano wekukhangisa ngetinhlelo letinsha tekukhicita emandla langangcolisi umoya. Kuva kabanti ngaloludzaba asamukela Samukelisiwe Chirwa loyi- Enterprise Development Officer ku-Mpumalanga Green Cluster Agency (MGCA)

Duration:00:03:10

#Embiteni - Kushone bantfu eLimpopo ngemuva kwekudla emngcwabeni

Kushone bantfu labasitfupha eLimpopo ngemuva kwetinsolo letitsi badle kudla lokonakele emngcwabeni. Kuyibuka lendzaba sikhulumisana na-Nonhle Shabangu kanguthishela wetekudla.

Duration:00:03:44

#Embiteni - Mengameli Trump utsi uselulile sikhatsi sekubeka phansi tikhali kulemphi yaseIran

Kubikwa kutsi mitsatfu imikhumbi lehambisa umitfwalo lehlaselwe emhubheni we Strait of Hormuz njengobe live lase Iran lichubeka nekuvimbela kuhamba kwemikhumbi kulamanti. Loku kwenteka nje mengameli wele Melika Donald Trump uncume kuselula lesivumelwano sekubeka tikhali phansi kulemphi yase Iran. Kutfola kabanti kutsi ingabe tishoni letingucuko takamuva ecingweni sikhulumisana nasolwati wetindzaba tangaphandle umnumzane Thulisa Ndlela......

Duration:00:04:46

#Embiteni - Major Gen. Botsotso Moukangwe uyatiphendvulela ngetinsolo letentiwe nguLt.- Gen Semakaleng Manamela

Umndeni waka-Gardee, uvulele licala lenkhohlakalo nekutsikameta kusebenta kwemtsetfo emaphoyisa lambalwa, kulandzela tinsolo letentiwe nguNkomishana wemaphoyisa eMpumalanga lomisiwe emsebentini Lt. Gen Semakaleng Manamela. Manamela ugagule emaphoyisa latsite latsi atsikameta kusebenta kwemtsetfo esehlakalweni sekubulawa kwaHillary Gardee, indvodzakati yelisekela lemengameli weEFF, Godrich Gardee. Simeme lomunye walamaphoyisa labalulwe nguManamela, Major General Botsotso Moukangwe kutokhuluma ngaletinsolo

Duration:00:13:15

#Embiteni - Uncishiwe ibheyili Sgt. Fannie Nkosi

Inkantolo yamantji yase Pretoria North imencabele ibheyili Sayitjeni Fannie Nkosi. Kubuka kutsi kungani inkantolo imcishe ibheyili, sikhulumisana nesatimtsetfo Abigail Ngobeni.

Duration:00:06:39

#Imphunga - iSACP iyishaye ngenhlanekela inkhulumo yamabhalane weANC

I- ANC itsi nanobe umtsetfosisekelo walenhlangano ukuvumela bulungambili (dual membership), kepha angeke livunyelwe lilunga kutsi likhankasele omabili lamacembu, i-ANC neSACP. Mabhalane jikelele we-ANC Fikile Mbalula utsi onkhe amalunga e SACP neANC atawubhalelwa tincwadzi lekumele atiphendvule kungakapheli tinsuku letili-10 kutsi achaze kwekutsi atawukhankasela i-ANC noma i-SACP kulolukhetfo lolutako lwabohulumende basekhaya. Simeme lokhulumela i-SACP Mbulelo Mandlana

Duration:00:06:30

#Imphunga - Manamela analysis

Litiko letemaphoyisa kulelive litsi Nkomishana wemaphoyisa esifundza seMpumalanga lomisiwe emsebentini, Daphney Manamela bekufanele aye kukhomishana laMadlanga nobe ekomitini yemaphoyisa ephalamende kuyowetfula letinsolo latinekele sive. Kuyibuka kabanti lendzaba simeme sati ngetebugebengu, Dr Mxolisi Mathebula.

Duration:00:05:01

#Embiteni - Gareth Mnisi uchubekile nekuphindzilitwa ngemibuto ekhomishaneni laMadlanga

Sikhulu setimali kumkhandludolobha waseTshwane lesimisiwe emsebentini, Gareth Mnisi, nalamuhla uchubekile nekubukana nemibuto lematima phambi kwelikhomishana laMadlanga. Kuhlatiya lokwenteke kulelikhomishana namuhla simeme iForensic and Criminal Psychologist, Dr Alex Maseko.

Duration:00:05:12

#Embiteni - Sati ngetebugebengu sitsi Nkomishana wemaphoyisa Gen. Masemola akasakulungeli kuba sehhovisi kulandzela kuvela kwakhe enkantolo.

Nkomishana wemaphoyisa kulelive Gen. Fanie Masemola bekavele enkantolo ngetinsolo ngekuphula umtsetfo lolawula kuphatfwa kwetimali i-PFMA. Sati ngetebugebengu Andy Mashayile utsi Gen Masemola akasakulungeli kuchubeka nekuba kulesikhundla.

Duration:00:07:23

#Imphunga - iNFP icoshe sihlalo wayo KwaZulu Natal Mbali Shinga.

Ukhonjwe indlela sihlalo we-National Freedom Party (NFP) KwaZulu Natal Mbali Shinga ngemuva kwekulahlwa ngelicala lekungatiphatsi kahle kanye nekungalandzeli imiyalo yalelicembu. Kuva kutsi kutawuba namuphi umtselela lokucoshwa kwaShinga kupolitiki yesifundza saKwaZulu Natal, sicele umhlatiyi wetepolitiki Thami Malinga.

Duration:00:11:38

#Imphunga- SAPU reacts on Manamela's allegations

Inyonyana yemaphoyisa iSouth African Policing Union (SAPU) itsi beyingatsandza kutsi letinsolo letivetwe nguNkomishana wemaphoyisa eMpumalanga lomisiwe emsebentini Lt-Gen Daphney Manamela, tiphenywe likhomishana laMadlanga. Sicocisana nalokhulumela iSAPU Lesiba Thobakgale.

Duration:00:04:16

#Embiteni - Likomishana letebatsengi lilwa ne-telemarketing.

Likomishana letebatsengi kuvelonke litamukele letingucuko letiyamelana nekushayelwa tincingo ngenhloso yekutsengisela emakhasimende imikhicito letsite tinkapani letahlukahlukene (telemarketing). Bantfu bakhutsata bantfu kutsi babhalise eluhlwini lwalelikhomishana kusukela ngenyanga yaKholwane kuya kuye-Nyoni kulomnyaka losetulu kuze bangatofonelwa nguletinkapani letitsengisa ngetincingo.. Kutfola kabanti ngalendzaba, sichumana nalokhulumela lelikomishana, Phetho Ntaba

Duration:00:06:06

#Embiteni - Umndeni waka-Gardee ucele likhomishana laMadlanga liphenye tinsolo letentiwe ngu-Lt.Gen Semakaleng Manamela

Umphatsi wemaphoyisa asesifundzeni sase-Mpumalanga lomisiwe emsebentini Semakaleng Manamela ubbhibite tinsolo tenkohlakalo nekungasebenti kahle kwemaphoyiseni asesifundzeni sase-Mpumalanga. Manamela ukhulume nangetinsolo tenkhohlakalo leyenteka nakuphenywa ngekubulawa kwendvodzakati ya-Godrich Gardee, Hillary. Simeme lokhulumela lomndeni waka-Gardee naloaphindze abe ngumholi we-EFF e-Mpumalanga,Collen Sedibe

Duration:00:06:50

#Embiteni - Sibuka lobekwenteka ekhomishaneni laMadlanga namuhla

Umphatsi wetetimali losamisiwe emsebentini kumasipala we City of Tshwane,Gareth Mnisi, uhlangabetene nebumatima bekwesekela bufakazi bakhe phambi kwelikhomishana laMadlanga. Kubuka kabanti lokuvele kulelikhomishana namuhla simeme sati ngetebugebengu, Lifo Nobanda.

Duration:00:06:44

#Imphunga - Kunekushayisana ngembono ngekwentiwa kube semtsetfweni kutsengisa umtimba.

Inhlangano lemelene nekwentiwa kube semtsetfweni kutsengisa umtimba, i-We Survivors Unite Movement, itsi ikhatsatekile ngalesicelo senhlangano lemele labatsengisa umtimba iSWEAT sekutsi kubalulwe njengemsebenti losemtsetfweni loku klebakwentako. Simeme umhlelembisi we-We Survivors Unite Movement, Hilda Maseko

Duration:00:05:59

#Imphunga - Sicubungula tinsolo tenkhohlakalo nekungachutjwa kahle kwemsebenti emaphoyiseni eMpumalanga letidzalulwe nguNkomishana lomisiwe Semakaleng Manamela.