SBS Sinhala

වික්ටෝරියා ප්‍රාන්තයත් නිව් සවුත් වේල්ස් ප්‍රාන්තයත් සම්මුඛ වන මරේ ගංගාව මැදි කර ගත් සුන්දර Echuca සහ Moama නගර දෙකෙහි ජීවත් වන ශ්‍රී ලාංකීය ප්‍රජාව සංවිධාන කරන අලුත් අවුරුදු උත්සවය මේ සතිඅන්තයේ මැයි 02 වෙනි සෙනසුරාදා පැවත්වීමට නියමිතයි. දුරස්ථ ප්‍රාදේශීය නගර වල ජීවත්වන ශ්‍රී ලාංකීය ප්‍රජාව මෙවැනි සංස්කෘතික උත්සව සංවිධාන කිරීමේදී මුහුණ දෙන දුෂ්කරතා සහ අභියෝග පිළිබඳ Echuca - Moama ශ්‍රී ලංකා සමාජ හා සංස්කෘතික සංවිධානයේ සභාපති වෛද්‍ය ඩොමිනික් කරුණානායක මහතා SBS සිංහල සේවය සමඟ දැක්වූ අදහස් වලට සවන් දෙන්න.

සෑම වසරකම ඕස්ට්‍රේලියාව සහ නවසීලන්තය ජාතික අනුස්මරණයක් ලෙස ANZAC දිනය සමරනවා. ඒ පළමු ලෝක සංග්‍රාමයේ දී ඕස්ට්‍රේලියානු සහ නවසීලන්ත හමුදා Gallipoli වෙත ගොඩබෑමත් ඔවුන්ගේ ධෛර්යය සහ පරිත්‍යාගයන් සිහිපත් කිරීමත් සිදු කරමින්. බ්‍රිතාන්‍ය අධිරාජ්‍ය සමයේ සිලෝන් ලෙස හැඳින් වූ ශ්‍රී ලංකාවෙනුත් Gallipoli වෙත පිරිස් පිටත් වුණා. යුද වැදුණා. ජීවිත පරිත්‍යාග කළා. කොළඹ මහජන පුස්තකාලය ඉදිරිපිට ඇති ස්මාරකයේ ඔබට අදටත් ඒ නම් දැක බලා ගැනීමට පුළුවන්. පළමු ලෝක යුද සමයේ සිලෝන්හි දී සිය ඉංජිනේරු හැකියාවන් පෙන් වූ ලුතිනන් කර්නල් හෙක්ටර් රොනී පෙරේරා පිළිබඳවයි මේ විශේෂාංගය. එවක First Field Engineers හමුදා ඉංජිනේරු ඒකකයේ අණදෙන නිලධාරියා ලෙසයි ඔහු කටයුතු කර තිබුණේ. ඔහු කෙරේ සෙනෙහසින් මේ තොරතුරු අප සමඟ බෙදා ගත්තේ ඕස්ට්‍රේලියාවේ මෙල්බර්න් සිට ෆියෝනි මියුලර් පෙරේරා. ලුතිනන් කර්නල් හෙක්ටර් රොනී පෙරේරා යනු ෆියෝනාගේ ආදරණීය මාමණ්ඩියයි. පරපුරෙන් පරපුරට ඔහු පිළිබඳව මතකය රැගෙන යන ෆියෝනාගේ අදහස්වලට ඔබත් සවන් දෙන්න.

ඔස්ට්‍රේලියාවේ පුවත් සිංහලෙන් දැන ගන්න, අප්‍රේල් මස 28වන දා SBS සිංහල පුවත්වලට සවන් දෙන්න.

අප්‍රේල් 26 වෙනිදා මෙල්බර්න් නුවර පැවති සූර්ය උදානය 2026 අවුරුදු උත්සවය ඉතා උත්කර්ෂවත් අයුරින් විශාල ජනකායකගේ සහභාගීත්වයෙන් පැවැත් වුනා. ළමුන් වෙනුවෙන් අවුරුදු ක්‍රීඩා, අවුරු කුමරිය තේරීමේ තරඟය, මෙන්ම මෝටර් රථ ප්‍රදර්ශනයක්ද මෙයට ඇතුලත් වී තිබුනා. ඒ වගේම සවස් භාගයේ එළිමහන් සංගීත සංදර්ශනයද පැවැත් වුනා. මේ එහිදී SBS සිංහල සේවයට සහභාගී වූ ශ්‍රී ලාංකිකයින් දැක්වූ අදහස්.

මැදපෙරදිග අර්බුදය හමුවේ ඔස්ට්‍රේලියාව තුල වෙළඳ කේෂ්ත්‍රයේ නිරතව සිටින ශ්‍රී ලාංකික ව්‍යාපාරික ප්‍රජාව මුහුණ දෙන දුෂ්කරතා සහ අභියෝග පිළිබඳ ඔස්ට්‍රේලියාව තුල ක්‍රියාත්මක ශ්‍රී ලාංකීය නිෂ්පාදන ගෙන්වා බෙදාහරින දෙරණ සමූහ ව්‍යාපාර ජාලයේ සභාපති ඩෙන්සිල් ජයවීර මහතා SBS සිංහල සේවය සමඟ දැක්වූ අදහස්.

ගෙවුණු සතිඅන්තයේ ශ්‍රී ලංකාවෙන් වාර්තා වූ උණුසුම් හා වැදගත් පුවත් සම්පිණ්ඩනය. SBS සිංහල සේවය වෙනුවෙන් මාධ්‍යවේදී මනෝජ් උදටියාවල ගෙන එන ‘මව්බිමෙන් පුවත්’ විශේෂාංගය.

ඔස්ට්‍රේලියාවේ පුවත් සිංහලෙන් දැන ගන්න, අප්‍රේල් මස 27වන දා SBS සිංහල පුවත්වලට සවන් දෙන්න.

නූතන ඩිජිටල් යුගයේ ජංගම දුරකතනයෙන් තොරව මොහොතක් ගත කිරීම මොන වගේ අත්දැකීමක් ද? නෙදර්ලන්තයේ අගනුවර ඇම්ස්ටර්ඩෑමයේ කිහිප දෙනෙකු එකතු වෙලා මෙවැනි සුහුරු උපාංගවලින් තොර පරිසරයක් නිර්මාණය කරලා තිබෙනවා. ඒ නව මාදිලියේ සමූහයක් වන Offline Club ඔස්සේ. ඕනෑම කෙනෙකුට මේ පරිසරයට ඇතුල් වෙන්න පුළුවන්. නමුත් ජංගම දුරකතන හෝ වෙන යම් ඩිජිටල් උපාංගයක් රැගෙන ඇතුල් වෙන්න බැහැ. නව පරම්පරාව ඩිජිටල් තිරයක් දෙස බලා සිටිනවා වෙනුවට සැබෑ ජීවිතයේ මිතුදම් සහ සබඳතා ගොඩනැගීමට යොමු වෙලා ද? අද කාලීන විග්‍රහය මේ පිළිබඳවයි.

සිංහල දෙමල අලුත් අවුරුද සමරන්න විදෙස් ගත ශ්‍රී ලාංකිකයින් ඉතා විශාල උනන්දුවක් දක්වනවා. මෙල්බර්න් නගරයේ උතුරු ප්‍රදේශයේ පැවැත්වෙන සූර්ය උදානය 2026 අවුරුදු උළෙල මෙයට හොඳ උදාහරණයක්

අප්‍රේල් 20වන දා සිට 24වන දා දක්වා ගෙවුණු සතියේ ඕස්ට්‍රේලියාවෙන් වාර්තා වූ ප්‍රමුඛ පුවත් රැගත් සතියේ පුවත් සම්පිණ්ඩනයට සවන් දෙන්න.

ශ්‍රී ලාංකේය කලා ලෝකයේ රසබර කතාබහක් සමඟ තරුෂි අතුකෝරළ ගෙන එන ‘තරුෂි එක්ක තරු කතා’ අහන්න.

බටහිර ඔස්ට්‍රේලියාවේ ශ්‍රී ලංකා සංස්කෘතික සංගමය පෙරටු කරගත් සංවිධාන රැසක දායකත්වයෙන් මේ සතිඅන්තයේ අප්‍රේල් 26 වෙනි ඉරිදා පර්ත් සූර්ය මංගල්‍යයට සියල්ල සූදානම් බව SBS සිංහල සේවය හා එක් වෙමින් එම සංගමයේ සංස්කාරක මංජුල ජයවර්ධන මහතා සඳහන් කරනවා.

මේ සතියේ ශ්‍රී ලංකාවේ සහ ඕස්ට්‍රේලියාවේ ක්‍රීඩා පිටියේ උණුසුම් තොරතුරු රැගත් ‘ක්‍රීඩා විග්‍රහය’. මාධ්‍යවේදී රංගන සෙනෙවිරත්න SBS සිංහල සේවය වෙනුවෙන් ගෙන එන විශේෂාංගයට සවන් දෙන්න.

මේ සතියේ ශ්‍රී ලංකාවෙන් වාර්තා වූ උණුසුම් හා වැදගත් පුවත් සම්පිණ්ඩනය. SBS සිංහල සේවය වෙනුවෙන් මාධ්‍යවේදී මනෝජ් උදටියාවල ගෙන එන ‘මව්බිමෙන් පුවත්’ විශේෂාංගය.

ඔස්ට්‍රේලියාවේ පුවත් සිංහලෙන් දැන ගන්න, අප්‍රේල් මස 24 වන දා SBS සිංහල පුවත් වලට සවන් දෙන්න.

ලොව පුරා යුධමය තත්වයක් පිළිබඳව අවදානමක් පැතිරී ඇති මොහොතක ඔස්ට්‍රේලියාවත් තම ආරක්ෂක කටයුතු සඳහා වන වියදම් ඉහල දැමීමට තීරණය කර තිබෙනවා. යුද්ධයක් නොමැති අවස්තාවක ආරක්ෂක තත්වය උසස් කිරීමට ඉතිහාසයේ වෙන්කළ ඉහළතම අමතර මුදල් ප්‍රමාණය මෙවර වෙන් කරන බව ෆෙඩරල් රජයේ ආරක්ෂක අමාත්‍ය රිචර්ඩ් මාර්ල්ස් පවසනවා. මේ අනුව ඩ්‍රෝන තාක්ෂනය, මිසයිල ආරක්ෂණ පද්ධතීන් මෙන්ම මුහුදු පතුලේ හමුදා ක්‍රියාන්විත සඳහා වන තාක්ෂණික ක්‍රමවේද සඳහා වැඩි වශයෙන් ආයෝජනය කරන්න ඔස්ට්‍රේලියාව සූදානම් වනවා.මේ පිලිබඳ වැඩිදුර තොරතුරු අද කාලීන විග්‍රහයෙන් අපි ඔබ වෙත ගෙන එනවා

අපේ වහරේ එන රස කතා අහුරෙන් සාහිත්‍යවේදී අශෝක පියරත්න අද කියන්න යන්නේ මුරුංගා විකුණලා මාලිගා හදපු තරුණයෙක් ගැන අපූරු කතාවක්.

මාධ්‍යවේදී අමල් ජයසිංහ SBS සිංහල සේවය ඔස්සේ ඔබ වෙත ගෙන එන සතියේ විදෙස් පුවත් විග්‍රහය ‘ලොව වටා’ විශේෂාංගය.

ඔස්ට්‍රේලියාවේ පුවත් සිංහලෙන් දැන ගන්න, අප්‍රේල් මස 23වන දා SBS සිංහල පුවත්වලට සවන් දෙන්න.

Looking to step into a new career? You're not the only one, the stats suggest. No matter your age, background or whether English is your first language, a career change at some point is almost inevitable nowadays. In Australia, support is available to help you through the process. - ඔබේ රැකියා ක්ෂේශ්ත්‍රය එහෙම නැතිනම් ඔබගේ වෘත්තීය වෙනස් කරන්න ඔබ හිතනවද? ඔස්ට්‍රේලියාවේ ජීවත්වන ඔබ යම් ආකාරයකට ඔබගේ වෘත්තීය වෙනස් කරන්න සිතනවානම් එය ඉතාම සාමාන්‍ය දෙයක්. විශේෂයෙන්ම නව අවස්ථා පිලිබඳ සොයා බැලීමට ඔස්ට්‍රේලියාවේ බොහෝ දෙනෙක් නිරන්තරයෙන් කටයුතු කරනවා. බොහෝ දෙනෙක් තමන්ගේ පළපුරුද්ද සහ හැකියාවන්ට සරිලන හොඳ රැකියාවක් සොයා ගැනීමට නිරන්තරයෙන් උනන්දු වෙනවා. නමුත් එක්වරම තමන්ගේ වෘත්තීය වෙනස් කරන එක තරමක් දුරට වෙහෙසකර කාර්යයක් වෙන්න පුළුවන්. ඉතින් ඔස්ට්‍රේලියාවේ ජීවත් වෙන ඔබ තම වෘත්තීය ජීවිතයේ විශාල වෙනස්කමක් කරනවා නම් ඒ සම්බන්ධයෙන් ඔස්ට්‍රේලියාව තුලදී ලබාගත හැකි සහාය ගැන තොරතුරු අද Australia Explained මේ විශේෂාංගයෙන් අපි ඔබ වෙත ගෙන එනවා.